[img]http://cliffhk.net/mf/?fileid=115359[/img]

今日我同三個同學食完晏去行吉之島十蚊店．無喇喇有個女人行埋黎撞我地．然後大聲鬧我地．話我地撞到佢．仲不斷出言侮辱講粗口．
個女人罵我地既野．來來去去都係話我地d學生唔三唔四．無讀過書同埋無家教．其實我地都唔知發生咩事．我地著住校服．都無謂同佢
嘈喇．於是講左幾句唔好意思同對唔住我地就諗住走．但係呢個女人擋住我地唔比我地走．仲用腳踢我地．我地以為佢係精神有問題．走得更快喇．但係離開商店既途中．呢個女人不斷跟住我地．又用手機拍我地短片．然後佢作勢打電話報警．仲對住個電話問差人幾時到．我地諗住既然呢件事要報警處理．我地就打比班主任叫佢過黎幫我地．（由於學校好近．而且唔想比老師誤會我地同人地鬧交而鬧上差管．故第一時間打比班主任）點知個女人聽到我地搵老師黎．就急急腳咁走左喇．



事後我地問番ｄ同學．好多人都曾經遇過類似情況．可能而家社會壓力大．d人情緒唔穩定唔開心喇．見到d學家純純品品就蝦我地著住校服唔敢罵人．於是蝦得就蝦．將學生當成出氣袋．奉勸各位學生小心呢類人．因為係學校區(九龍塘+石硤尾+深水土步區)有好多呢種人ga．

[ Last edited by mokchacha on 2007-11-6 at 08:21 PM ]